يالله حيـهم

 من نوى يصير منا وفينا

أقروا القوانين زين وركزوا الله يسلمكم مانبي احد يجينا  مخنفر ويقول ليش وقفتي عضويتي ؟؟

قبل كل شي

- تذكر قول الله  ( مايلفظ من قول الا لديه رقيب عتيد )

-السياسه اوب قدها لاتطريها ع لسانك ابدن

-  تواقيع التفسخ اللي مالها سنع مانبيها سمحنا بصور الحريم مو تتمادى موناقصني ذنوبكم

-مواضيع السرقـه والمنقول لااشوفها مابي عوار راس فلانه نقلت موضوعي فلان سرق توقيعي عجبك شي زارفه الله لايهينك حط اخره (م ن)

-  السب والشتم وحتسي المهايط أبد ماحبـه عصبت من شي هد أعصابك بمنقا ودبر عمرك همن ارجع للمنتدى

- التعصب وماادراك مالتعصب انا هلالي وانت نصراوي فزنا عليكم ياللي فيكم وفيكم ((ممنوووع))

- كل خدمات الموقع ((الرسائل الخاصه ورسائل الزوار والبوم والصور .. الخ )) وماادراك ماهناك التميلح والخرفنه بأنواعها ستؤدي الى الشوتـه امام باب المنتدى وعقبها أبسط بـ فصفص وغوار مابي شي بذمتي هذاني أعلمكم

- ممنوع منعا باتـن وضع رابط  موقع غير سكتلشينا بالتواقيع والصور

-الردود ياليت تكون بحدود الادب وماتكون خارجه عن الذوق العام

-اللي بيسجل ويتفرج ماله داعي يسجل لان المنتدى مفتوح تبي تشارك معنا حياك ماتبي ناظر مع الدريشه لاتدخل

اي عضو تراه مشرف يقدر يبلغ عن اي تجاوز وهالشي في صالحكم انتم كأعضاء

وتم تفعيل نظام العقوبات

وصلى الله وسلم على سيدنا محمد عليه افضل الصلوات والتسليـم..

 

وقــت ممتـع  برفقتنا

سكتلشينـا دارك

يـ<ـقّ لـٌـ&ـا